16 красавіка, вяртаючыся з грэчаскага вострава Лесбаса ў Рым, Папа Францішак даў прэс-канферэнцыю на борце самалёта.

16 красавіка Папа Францішак разам з Патрыярхам Канстанцінопальскім Барталамеем І і Архіепіскапам Афін і ўсяе Грэцыі Іеранімам ІІ наведаў лагер для бежанцаў у Морыя, дзе знаходзіцца каля 2,5 тыс. чалавек, з якіх 150 непаўналетнія.

16 красавіка на заканчэнне сустрэчы з бежанцамі на грэчаскім востраве Лесбас Папа Францішак, Патрыярх Канстанцінопальскі Барталамей І і Архіепіскап Афін і ўсяе Грэцыі Іеранім ІІ падпісалі супольную дэкларацыю.

16 красавіка Папа Францішак здзяйсняе візіт на грэчаскі востраў Лесбас. Гэтае падарожжа «будзе крыху адрознівацца ад іншых», сказаў Пантыфік журналістам, якія яго суправаджалі падчас пералёту, і дадаў, што яно будзе «пазначана смуткам».

Сацыяльныя медыя могуць і павінны быць месцам евангелізацыі, кажуць шматлікія дакументы Касцёла. Прыкладам паспяховага праекту ў гэтай сферы можа быць Instagram Пантыфіка, які дзейнічае менш за месяц.

Чырвоны колер ілюмінацыі знакамітага рымскага фантана Трэві стане напамінам пра сучасных мучанікаў за веру. Колерам крыві ён заяснее 29 красавіка вечарам. Ініцыятыва павінна прыцягнуць увагу рымлян і гасцей горада да драматычнай сітуацыі мноства людзей, якія ў наш час пакутуюць за сваю веру ў Езуса Хрыста.

Пераслед — гэта штодзённы хлеб Касцёла, які мае розныя формы, сказаў Папа Францішак 12 красавіка падчас ранішняй Эўхарыстыі ў Ватыкане.

Пантыфік піша пра гэта ў адмысловым звароце да кардынала Пітэра Тарксана, старшыні Папскай рады «Iustitia et Pax», які прымае ўдзел у міжнароднай канферэнцыі па пабудове справядлівага свету. Канферэнцыя арганізавана ў Рыме пры супрацоўніцтве з «Pax Christi International».

Не асуджаць іншых, ужываючы Божае слова, заклікаў Папа Францішак 11 красавіка ў гаміліі на ранішняй святой Імшы ў Ватыкане. Важна чалавечае жыццё, а не схемы, дадаў Пантыфік, звяртаючыся да прысутных у капліцы Дома св. Марты.

Папа Францішак накіраваў спачуванні сем’ям ахвяр трагічнага пажару ў Індыі, у выніку якога загінулі 110 чалавек і 350 атрымалі раненні. Пантыфік запэўніў у сваёй малітве за ахвяр трагічнага здарэння, пацярпелых у яго выніку, іх сем’і і за тых, хто нясе ім дапамогу.

Святы Айцец сустрэўся з групай транссексуалаў і былых прастытутак. «Кароткая сустрэча 50 ахвяр гандлю людзьмі з дзесяці краін адбылася ў суботу падчас пазачарговай агульнай аўдыенцыі ў Ватыкане ў сувязі з Годам Міласэрнасці», — паведаміла 10 красавіка ватыканская газета «L'Osservatore Romano».

Папа Францішак заклікаў вызваліць усіх, хто быў узяты ў закладнікі ў выніку любых узброеных канфліктаў у свеце. Пантыфік сказаў аб гэтым падчас сустрэчы з вернікамі на малітве «Regina Caeli» 10 красавіка ў Ватыкане.

9 красавіка Святы Пасад паведаміў, што Папа Францішак наведае Арменію, Грузію і Азербайджан. Гэта будуць два асобныя падарожжы: у чэрвені – у Арменію, у верасні – у Грузію і Азербайджан.

8 красавіка была апублікавана другая Апостальская адгартацыя Папы Францішка «Amoris Laetitia» (Радасць любові). Дакумент, прысвечаны любові ў сям’і, з’яўляецца плёнам працы Сінода Біскупаў, пасяджэнні якога праходзілі ў Ватыкане ў 2014 і 2015 гг.

Мара пяцігадовай амерыканкі Элізабэт “Лізі” Маерс, якая губляе зрок з-за рэдкага генетычнага захворвання, здзейснілася. Дзяўчынка сустрэлася з Папам Францішкам. Пра гэта паведамілі 6 красавіка заходнія СМІ.