Новы дыск Алесі Унукоўскай «Песні пакланення і праслаўлення» пабачыў свет ў жніўні 2015 года. Песні гэтай дзяўчыны спяваюцца і ў беларускіх касцёлах, і ў пратэстанцкіх дамах малітвы, і па папулярнасці часта ўспрымаюцца як «народныя».

Кожнае лета найбольш чаканым момантам для дзяцей і моладзі з парафіі Св. Тэрэзы ад Езуса (Авільскай) у Шчучыне становяцца «Канікулы з Богам», падрыхтаваныя айцамі піярамі, што апякуюцца шчучынскай парафіяй.

23 жніўня моладзь з розных парафій Гродна і ваколіц, якая прымала ўдзел у 14-й пешай пілігрымцы з Гродна ў дыяцэзіяльны санктуарый Езуса Журботнага ў Росі, перажывала свой дзень духоўных разважанняў. 25 чалавек сабраліся ў Азёрах, каб разам адпачыць на прыродзе.

23 жніўня ў парафіі Найсвяцейшай Панны Марыі Вастрабрамскай Маці Міласэрнасці (Аўгустовак) у Гродне дапаможны біскуп Гродзенскай дыяцэзіі Юзаф Станеўскі асвяціў крыжы, што будуць змешчаны на новай парафіяльнай святыні, якая будуецца.

Кожнае лета пасля ўборкі збожжа ў парафіі Св. Яна Хрысціцеля ў Камаях (Віцебская дыяцэзія) адбываецца свята падзякі за дары зямлі, якое ксёндз Яцэк Хутман зрабіў ужо традыцыйным. Звычайна яно праводзіцца ва ўспамін Найсвяцейшай Панны Марыі Чэнстахоўскай, каб гэтае свята было больш прыгожым і духоўна насычаным.

22 жніўня святой Імшой з удзелам пілігрымаў завяршыліся ўрачыстасці ў санктуарыі Маці Божай Каралевы Палесся ў Лагішыне. Эўхарыстыю ўзначаліў біскуп Пінскі Антоні Дзям'янка, гамілію прамовіў дапаможны біскуп Гродзенскай дыяцэзіі Юзаф Станеўскі.

«Святло, якое перамяніла Марыю, пераменіць і нас», — прагучала ў гаміліі Мітрапаліта Віленскага Гінтараса Грушаса. Малітва ў санктуарыі Маці Божай Валадаркі азёраў у Браславе трывала на працягу ўсёй ночы. 

21 жніўня ў межах урачыстасцяў у дыяцэзіяльным санктуарыі Маці Божай Каралевы Палесся ў Лагішыне адбылася святая Імша і начное чуванне з удзелам пілігрымаў, якія прыбылі ў санктуарый. Імшу ўзначаліў дапаможны біскуп Пінскай дыяцэзіі Казімір Велікаселец, які сёлета дзякуе Богу за 70 гадоў з дня нараджэння, гамілію прамовіў біскуп Пінскі Антоні Дзям’янка.

Святой Імшой для пілігрымаў пачаліся 21 жніўня ўрачыстасці ў гонар Маці Божай Валадаркі азёраў у санктуарыі ў Браславе (Віцебская дыяцэзія). У гэты дзень у санктуарыі прывіталі дзве пешыя пілігрымкі – з Глыбокага, вернікі якога прыйшлі разам з са сваім пробашчам, ксяндзом Мікалаем Цiхановічам, а таксама з Мёраў, разам з вікарыем парафіі ксяндзом Вячаславам Адамовічам.

20 жніўня ў Бялынічах адбылося грамадскае абмеркаванне наконт пытання далейшага лёсу каталіцкіх могілак XVIII-XIX стст., на месцы якіх запланавана будаўніцтва крамы.

20 жніўня ў парафіях Узвышэння Святога Крыжа ў Галынцы і Звеставання Найсвяцейшай Панне Марыі ў Перстуні (Гродзенская дыяцэзія), пробашчам якіх з’яўляецца кс. Павел Гедройць, дзеці ўпершыню прыступілі да святой Камуніі.

Полацкая грэка-каталіцкая парафія Св. Язафата 10-16 жніўня правяла мастацкі пленэр у памяць вядомага мастака Яна Хруцкага. Ініцыятыва і ідэя хрысціянскага братэрскага пленэру для мастакоў нарадзілася каля паўгода таму пасля размовы Апостальскага візітатара для грэка-католікаў Беларусі архімандрыта Сяргея Гаека і мастака з Мінска Змітра Мшара.