28 снежня ў касцёле Найсвяцейшага Сэрца Пана Езуса ў Рычэні (Польшча) адбылася святая Імша ў інтэнцыі спачылага кардынала Казіміра Свёнтка. Падчас Імшы быў асвечаны партрэт кардынала.

26 снежня ў парафіі Святой Сям’і ў Лідзе (Гродзенская дыяцэзія) адбыліся сямейныя калядкі. Свята праходзіла пад кіраўніцтвам сясцёр Беззаганнага Зачацця Найсвяцейшай Панны Марыі.

Праграма ХІІІ фестываля «Дні хрысціянскай культуры» ў Віцебску вылучаецца разнастайнасцю. Кожны жадаючы можа далучыцца да дзіцячага мастацтва, наведаць святочны канцэрт або знайсці хвілінку для сустрэчы з кнігай. 27 снежня ў катэдральным касцёле Езуса Міласэрнага адбыліся чарговыя «Чытацкія сустрэчы» пад кіраўніцтвам прафесара філалогіі Івана Людвікавіча Лапіна.

2014 год стаў апошнім годам зямнога жыцця для некаторых святароў, законных сясцёр, грамадскіх і культурных дзеячоў, якія годна служылі ў імя Божае і чалавечае ў нашай краіне.

З нагоды святаў Божага Нараджэння 28 снежня ў парафіі Рудзенска і Мар’інай Горкі дзяцей парафіянаў павіншавалі незвычайным спосабам — падарункі былі ўручаны «святым Мікалаем», які завітаў да касцёла на кані.

Нядзеля Святой Сям’і: Езуса, Марыі і Юзафа — патранальнае свята Кангрэгацыі Сясцёр Найсвяцейшай Сям’і з Назарэта. 28 снежня ў рэктаральным касцёле Звеставання Найсвяцейшай Панны Марыі (пабрыгідскі) у Гродне, дзе сёстры назарэтанкі служаць шмат гадоў, прайшлі яго галоўныя святкаванні.

26 снежня ў парафіі Беззaганнага Зачацця Найсвяцейшай Панны Марыі ў Гродне прайшла аплатковая сустрэча ўдзельнікаў пілігрымкі «Гродна-Рось». Аплатковая сустрэча, якая збірае пілігрымаў з усёй Гродзенскай дыяцэзіі, якія летам падарожнічалі ў санктуарый у Росі, па традыцыі адбываецца ў другі дзень святаў Божага Нараджэння і з’яўляецца добрай нагодай, каб на нейкі час вярнуцца да перажытага разам шляху і падзяліцца сваёй радасцю.

Традыцыйна на Новы год, ва ўрачыстасць Святой Багародзіцы Марыі, Каталіцкі Касцёл адзначае Сусветны дзень міру. З нагоды гэтага дня Папа звяртаецца да міжнароднай супольнасці са спецыяльным пасланнем. У гэтым годзе яно прысвечана феномену рабства ў сучасным свеце і называецца “Ужо не рабы, але браты” (пар. Флм 15-16).

Важнасць інстытуту сям’і ў сучасным грамадстве падкрэсліў падчас Імшы на свята Святой Сям’і пробашч парафіі Найсвяцейшай Панны Марыі Ружанцовай (св. Дамініка) у Ракаве (Мінска-Магілёўская архідыяцэзія) кс. Дзмітрый Барыла, які зачытаў таксама адпаведнае паведамленне Канферэнцыі Каталіцкіх Біскупаў Беларусі.

28 снежня, у свята Святой Сям’і, адбылася аплатковая сустрэча Мітрапаліта Мінска-Магілёўскага арцыбіскупа Тадэвуша Кандрусевіча з сямейнымі рухамі. Сустрэча праходзіла ў касцёле св. Сымона і св. Алены ў Мінску.

Моладзь парафіі Беззаганага Зачацця Найсвяцейшай Панны Марыі ў Слоніме (Гродзенская дыяцэзія) 28 снежня, у свята Святой Сям’і, прадставіла слоўна-музычную містэрыю пра Божае Нараджэнне.

28 снежня, у свята Святой Сям’і, біскуп Пінскі Антоні Дзям’янка ўзначаліў святую Імшу ў парафіі Нараджэння Божай Маці ў Гомелі.

Цягнікамі, самалётамі, на аўтамабілях – розным транспартам з розных куткоў Еўропы ў гэтыя дні маладыя вернікі сцягваюцца ў сталіцу Чэхіі. Прага ў гэтым годзе прымае ўжо 38-ю па ліку экуменічную сустрэчу моладзі ў духу супольнасці з Тэзэ.

24-26 снежня дапаможны біскуп Гродзенскай дыяцэзіі Юзаф Станеўскі сустрэўся з вернікамі Ашмянскага дэканату. Іерарх наведаў парафіі Св. Міхала Арханёла ў Ашмянах, Найсвяцейшага Сэрца Езуса i Анёлаў Ахоўнікаў у Андажаве, Святых апосталаў Пятра і Паўла ў Граўжышках і Св. апостала Якуба ў Цудзенішках.

27 снежня ў Вышэйшай духоўнай семінарыі ў Гродне прайшла аплатковая сустрэча членаў малітоўнага руху за святароў «Маргарытка» ў Гродзенскай дыяцэзіі. Сустрэчу арганізаваў кс. Валерый Быкоўскі — духоўны айцец Вышэйшай духоўнай семінарыі і апякун «Маргарытак».