12 лістапада дэлегацыя Беларускай Грэка-Каталіцкай Царквы прыняла ўдзел ва ўрачыстай літургіі ў базыліцы св. Пятра ў Ватыкане ў свята св. Язафата, біскупа і мучаніка. Літургію ўзначаліў пры алтары, дзе змешчаны рэліквіі святога, сакратар Кангрэгацыі па справах Усходніх Касцёлаў арцыбіскуп Кірыл Васіль.

11 лістапада ў касцёле Беззаганнага Зачацця Найсвяцейшай Панны Марыі і св. Антонія Падуанскага ў Паставах адбылася пастырская сустрэча біскупа Віцебскага Алега Буткевіча са святарамі, законнымі братамі і сёстрамі Віцебскай дыяцэзіі.

7 лістапада вернікі з Палачанаў, Беразінскага і Маладзечна пад кіраўніцтвам кс. Сяргея Бараўнёва здзейснілі пілігрымку па Нальшанскім краі ў інтэнцыі памерлых вернікаў.

9 лістапада ў Бараўлянах прайшоў чарговы квартальны дзень духоўнага аднаўлення для салезіян. У сустрэчы ўдзельнічалі 16 салезіян з усёй Беларусі. Час духоўнага засяроджання раздзяліў з сабратамі дапаможны біскуп Мінска-Магілёўскай архідыяцэзіі Аляксандр Яшэўскі SDB.

Курыя Гродзенскай дыяцэзіі і рэктарат Вышэйшай духоўнай семінарыі ў Гродне паведамляюць, што 10 лістапада ў будынку семінарыі адбылася сустрэча біскупа Гродзенскага Аляксандра Кашкевіча са святарамі — выкладчыкамі семінарыі, прэлатамі і дэканамі, якія прадстаўляюць погляды святароў адпаведных дэканатаў.

8 лістапада супольнасць Міждыяцэзіяльнай вышэйшай духоўнай семінарыі ў Пінску здзейніла юбілейную пілігрымку ў санктуарый Маці Божай Лагішынскай, Каралевы Палесся.

7 лістапада ў віцебскім касцёле святой Барбары ўрачыста распачалося святкаванне юбілею Ордэну братоў прапаведнікаў, заснаванага святым Дамінікам у 1216 годзе.

8 лістапада ў гродзенскай парафіі Беззаганнага Зачацця Найсвяцейшай Панны Марыі прайшоў ужо традыцыйны парафіяльны Дзень «Карытас». Мэтай мерапрыемства было азнаёміць парафіян з дзейнасцю Дабрачыннага каталіцкага таварыства «Карытас» у Гродзенскай дыяцэзіі і Беларусі ў цэлым.

Незвычайная капліца, якая змяшчае каталіцкую скульптуру Маці Божай і праваслаўныя іконы, знаходзіцца ў вёсцы Пастарынне на мясцовых могілках. Могілкі лічацца каталіцкімі, але там хаваюць вяскоўцаў абедзвюх канфесій.

З 30 кастрычнiка па 1 лістапада ў кляштары сясцёр кармэлітак Дзіцяткі Езуса ў Гудагаі (Гродзенская дыяцэзія) ужо не першы раз сабраліся дзяўчаты з розных гарадоў і вёсак Беларусі, каб наладзіць свае «духоўныя батарэйкі», прабываючы з Богам на малітве і слухаючы Божае слова.

Значэнне слова «Тэзэ» многім вядомае. Агульнаеўрапейская моладзевая сустрэча стала ўжо традыцыяй. Сёлета яна адбудзецца ў іспанскай Валенсіі.

6-8 лістапада ў кляштары піяраў у Шчучыне (Гродзенская дыяцэзія) прайшлі піярскія сустрэчы моладзі на тэму «Хрысціянін у свеце». У сустрэчах прынялі ўдзел вучні 9-11 класаў агульнай колькасцю каля 45 чалавек.

Пачынаючы ад урачыстасці Усіх Святых, дапаможны біскуп Гродзенскай дыяцэзіі Юзаф Станеўскі на працягу актавы ўрачыстасці Усіх Святых наведаў розныя парафіі і разам з вернікамі памаліўся за спачылых.

7 лістапада ў Вышэйшай духоўнай семінарыі ў Гродне адбылася інтэлектуальная гульня «Бітва розумаў», у якой у рознай меры былі задзейнічаны ўсе семінарысты.