17 кастрычніка моладзь Віцебскай дыяцэзіі сабралася на начное чуванне ў полацкай парафіі. На сустрэчу прыбылі маладыя людзі з Браслава, Глыбокага, Мёраў, Віцебска, Варапаева, Слабодкі, Друі, Верхнядзвінска і іншых месцаў.

«Гадавіна паўстання дыяцэзіі з’яўляецца добрай нагодай для таго, каб праспяваць гімн “Цябе, Божа, праслаўляем” – гімн падзякі і праслаўлення Бога за вялікія рэчы, якія нам учыніў за гэты час», – адзначае біскуп.

18 кастрычніка біскуп Гродзенскі Аляксандр Кашкевіч удзяліў сакрамэнт канфірмацыі групе вернікаў парафіі Нараджэння Найсвяцейшай Панны Марыі ў Зарачанцы (Баля Касцёльная). Кандыдаты да канфірмацыі рыхтаваліся да гэтага дня праз удзел у катэхезе, сакрамэнтальным жыцці Касцёла і індывідуальную малітву.

Кармэліцкая парафія ў Мінску адсвяткавала 500-годдзе св. Тэрэзы ад Езуса, арцыбіскуп Кандрусевіч перадаў Пантыфіку беларускі пераклад яго энцыклікі, гродзенскія медыкі абараняюць жыццё і іншыя падзеі з жыцця Касцёла ў Беларусі за мінулы тыдзень.

18 кастрычніка жыхары горада Гродна і ваколіц ушанавалі абраз Маці Божай Тройчы Цудоўнай, які знаходзіцца ў бакавым алтары гродзенскага касцёла Маці Божай Анёльскай.

17 кастрычніка ў парафію Св. Антонія з Падуі ў Малой Бераставіцы былі ўнесены рэліквіі бл. Цэліны Бажэнцкай, якая асаблівым чынам звязана з Гродзеншчынай. З гэтай хвіліны вернікі парафіі змогуць маліцца ў парафіяльнай святыні праз заступніцтва благаслаўлёнай.

15 кастрычніка ў парафіі Святой Тройцы ў Касцюковічах завяршыліся трохдзённыя духоўныя практыкаванні для святароў, якія праходзілі тут упершыню. Рэкалекцыі праводзіў кс. Андрэй Далянскі.

Цеплыню роднага дома і любоў можна было адчуць 17 кастрычніка ў парафіі Святой Сям’і ў Лідзе, дзе прайшла сустрэча сем’яў Гродзенскай дыяцэзіі. На сустрэчу прыбыло шмат сужэнстваў разам з дзецьмі з розных бакоў дыяцэзіі.

18 кастрычніка ў Каталіцкім Касцёле адзначаецца Сусветны дзень місій. У 1926 годзе Папа Пій ХІ вырашыў, што гэты дзень будзе адзначацца ў перадапошнюю нядзелю кастрычніка.

18 кастрычніка — успамін святога Лукі, апекуна ўсіх тых, хто ў сваім жыцці абраў прафесію ратаваць здароўе чалавека, «людзей у белых халатах», ратавальнікаў цела і душы.

На Сінодзе Біскупаў Мітрапаліт Тадэвуш Кандрусевіч прадставiў Папу беларускае выданне энцыклікі «Laudato Si’», «Пасвячэнне бiскупа, прэзбітэраў i дыяканаў», а таксама лiст да Папы з нагоды другога пленарнага пасяджэння Вышэйшых настаяцеляў, дэлегатаў і прадстаўнікоў мужчынскіх і жаночых манаскіх Інстытутаў і Таварыстваў апостальскага жыцця ў Беларусі.

16 кастрычнiка на Сiнодзе Біскупаў на тэму сям’і, які праходзіць у Ватыкане, выступiлi прадстаўнiкi iншых хрысцiянскiх супольнасцяў i свецкiя аўдытары. Мітрапаліт Тадэвуш Кандрусевіч пракаментаваў для Catholic.by гэтую падзею.

18 кастрычніка ва ўсіх касцёлах і капліцах Гродзенскай дыяцэзіі будуць маліца за сем’і. Дыяцэзіяльны дзень малітвы за сем’і ўстанавіў біскуп Гродзенскі Аляксандр Кашкевіч, пажаданнем якога з’яўляецца тое, каб гэты дзень з’яднаў усіх вернікаў дыяцэзіі ў малітве аб нашых сем’ях.

Пастырская сустрэча святароў, якія служаць у Гродзенскай дыяцэзіі, адбылася 16 кастрычніка ў Вышэйшай духоўнай семінарыі ў Гродне. Гэта сустрэча патрэбна для таго, каб кожны святар мог затрымацца на хвіліну і праверыць, ці ў яго штодзённым служэнні Богу і людзям ідзе ўсё добра.

15 кастрычніка Каталіцкі Касцёл на ўсім свеце адзначае ўспамін св. Тэрэзы ад Езуса, Панны і Доктара Касцёла. У гэты дзень асаблівым чынам адзначалі яе ўспамін у Шчучыне, дзе cвятая Тэрэза з’яўляецца апякункай парафіі, у якой служаць айцы піяры.