«Звяртаюся да вас, вернікі і людзі добрай волі: не заставайцеся абыякавымі да ўкраінскай трагедыі і лёсу нашых украінскіх братоў і сясцёр, маліцеся аб поспеху мінскай сустрэчы, каб доўгачаканы мір нарэшце запанаваў у нашых паўднёвых суседзяў, каб там як мага хутчэй завяршыліся жахі збройных дзеянняў і людзі маглі спакойна жыць», — адзначае Мітрапаліт.

Тэмай сёлетняга 23-га Сусветнага дня хворых, які адзначаецца 11 лютага, сталі словы з Кнігі Ёва:«Я быў вачыма сляпому і нагамі кульгаваму» (Ёв 29, 15).

«У адзін цудоўны дзень мы выцягнулі свае калонкі, паставілі на старыя стойкі і пачалі граць. І вось бачыце: паўнавартасны гурт цяпер». Catholic.by пагутарыў з салістамі хрысціянскага гурта «United In Spirit» з Баранавіч.

Факсімільнае выданне кнігі «Тураўскае Евангелле. Туровское Евангелие. Turau Gospel» Нацыянальнай бібліятэкі Беларусі атрымала перамогу ў намінацыі «Духовность» 54-га Нацыянальнага конкурса «Мастацтва кнігі».

З нагоды распачацця Года кансэкраванага жыцця ў Паўсюдным Касцёле айцы піяры, якія працуюць у Шчучыне (Гродзенская дыяцэзія), арганізавалі для сваіх выхаванцаў нечаканыя выходныя — забаўляльны ўікэнд.

7 лютага ў Баранавічах адбыўся фестываль хрысціянскай музыкі «Дастукацца да нябёсаў». Прысутнічаў на фестывалі і біскуп Пінскі Антоні Дзям’янка. Праславіць Бога спевамі прыехалі каталіцкія і пратэстанцкія гурты з Баранавіч, Брэста і Мінска. Сёлетні фэст стаў ужо чацвёртым па ліку.

У беларускім календары няма асобнага дня бабулі і дзядулі, аднак кожны ведае, якую важную ролю яны адыгрываюць у выхаванні сваіх унукаў. Сказаць «дзякуй» за іх любоў і апеку вырашылі выхаванцы «Місіі добрага самараніна».

8 лютага, у V Звычайную нядзелю, Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу ў мінскай парафіі Божага Цела.

7 лютага ў рэктаральным касцёле Звеставання Найсвяцейшай Панне Марыі ў Гродне адзначалася 25-годдзе законнага жыцця с. Марыі Бялюк з Кангрэгацыі Сясцёр Найсвяцейшай Сям’і з Назарэта. Святую Імшу ўзначаліў біскуп Гродзенскі Аляксандр Кашкевіч, у ёй прынялі ўдзел святары, сёстры назарэтанкі, родныя с. Марыі Бялюк.

З 30 студзеня па 1 лютага ў польскім горадзе Ломжа прайшоў 12-ты форум душпастырства польскай моладзі, у якім прынялі ўдзел і прадстаўнікі Беларусі. Галоўнай тэма форуму стала падрыхтоўка да Сусветнага дня моладзі ў Кракаве, які пройдзе з 26 па 31 ліпеня 2016 года.

Святыя Імшы ў першую гадавіну смерці кс. Генрыка Тэлемана адбыліся 5 лютага ў капліцы Дома міласэрнасці ў Лагішыне і 6 лютага ў парафіі Унебаўзяцця Найсвяцейшай Панны Марыі ў Кобрыне (Пінская дыяцэзія). Імшы ўзначаліў біскуп Пінскі Антоні Дзям’янка.

6 лютага – першая гадавіна смерці кс. Генрыкa Тэлеманa. Святар служыў у Пінскай дыяцэзіі: парафіі Унебаўзяцця Найсвяцейшай Панны Марыі ў Асавой, парафіі Нараджэння Найсвяцейшай Панны Марыі ў Століне, катэдральнай парафіі Унебаўзяцця Найсвяцейшай Панны Марыі ў Пінску.

5 лютага абласную клінічную бальніцу ў Віцебску наведаў біскуп Алег Буткевіч. Падчас сустрэчы з медработнікамі іерарх распавёў пра духоўны аспект паклікання медыкаў і іх ахвярнасць на карысць хворых.

Прыхадскія і свецкія харавыя калектывы з Беларусі, Румыніі, Расіі, Украіны, Малдовы, Польшчы і Літвы прымуць удзел у XIV Міжнародным фестывалі праваслаўных песнапенняў «Каложскі благавест», які пройдзе ў Гродне з 11 па 14 лютага.

У нядзелю 8 лютага Апостальская Сталіца заклікае веруючых ва ўсім свеце з’яднацца ў малітве супраць гандлю людзьмі. З адмысловым заклікам выступіла і Канферэнцыя Каталіцкіх Біскупаў Беларусі.