16 ліпеня, ва ўспамін Найсвяцейшай Панны Марыі з гары Кармэль, мінская парафія Найсвяцейшага Цела і Крыві Пана і Маці Божай Шкаплернай святкавала сваю ўрачыстасць. У гэты дзень парафіяльную ўрачыстасць адзначаюць у святынях, прысвечаных Маці Божай Шкаплернай, а таксама там, дзе служаць кармэліты босыя.

Каманда хлопцаў з парафіі Найсвяцейшай Панны Марыі Вастрабрамскай Маці Міласэрнасці (аўгустовак) у Гродне ўдзельнічае ў ХХVI Міжнароднай Парафіядзе дзяцей і моладзі ў Варшаве (Польшча).

16 ліпеня, ва ўспамін Найсвяцейшай Панны Марыі з гары Кармэль, парафія Маці Божай Шкаплернай у Палонцы (Баранавіцкі дэканат) адзначала сваю ўрачыстасць. Імшу ўзначаліў біскуп Пінскі Антоні Дзям’янка.

16 ліпеня ў Івянцы пачынаецца V Парафіяда Мінска-Магілёўскай архідыяцэзіі. Са словам да ўдзельнікаў звярнуўся Мітрапаліт Тадэвуш Кандрусевіч. “Жадаю ўдзельнікам парафіяды поспехаў ва ўсіх відах спаборніцтваў – спартыўных, духоўных і тэатральных. Няхай яна стане яшчэ адным крокам да вашага фізічнага, артыстычнага і духоўнага ўдасканалення, каб у жыцці вы беглі да святасці і сталі новымі, выхаванымі на прынцыпах Евангелля, людзьмі, якіх патрабуюць новыя часы, у якія мы жывём”, - напісаў іерарх.

Сястру Антаніну Багдановіч SJE з астравецкага касцёла Адшукання Святога Крыжа прызначылі настаяцельніцай Беларуска-літоўскай делегатуры Кангрэгацыі Сясцёр Служак Езуса ў Эўхарыстыі.

12 ліпеня ў супольнасці кармэлітаў босых і парафіі Маці Божай Шкаплернай у Мядзелі адбылося ўмураванне вуглавых камянёў пад адбудову мядзельскай Кальварыі. Урачыстасць узначаліў дапаможны біскуп Мінска-Магілёўскай архідыяцэзіі Юрый Касабуцкі.

11-12 ліпеня ў Далёкіх адбылася ІІІ Міжпарафіяльная пілігрымка ўдзельнікаў руху адновы і евангелізацыі. З нагоды сустрэчы Імшу ў касцёле святога Станіслава ўзначаліў біскуп Віцебскі Алег Буткевіч.

Мсціслаўскай святыні Унебаўзяцця Найсвяцейшай Панны Марыі сёлета 400 гадоў. З нагоды юбілею Імшу ў старажытным касцёле ўзначаліў дапаможны біскуп Мінска-Магілёўскай дыяцэзіі Юрый Касабуцкі.

13 ліпеня ў парафіі Нараджэння Найсвяцейшай Панны Марыі ў Зарачанцы (Баля Касцёльная) адбылося фацімскае набажэнства. У ім прыняў удзел дапаможны біскуп Гродзенскай дыяцэзіі Юзаф Станеўскі.

З нагоды 110-годдзя касцёла Імя Найсвяцейшай Панны Марыі ў Параф’янаве (Докшыцкі дэканат) 12 і 13 ліпеня адзначаліся юбілейныя ўрачыстасці. У другі дзень святкаванняў біскуп Віцебскі Алег Буткевіч удзяліў вернікам сакрамэнт канфірмацыі, а таксама благаславіў адрэстаўраваны крыж і абраз у галоўным алтары касцёла.

13 ліпеня 2014 г. адзначалася 71-я гадавіна смерці благаслаўлёнай мучаніцы Мар’яны Бярнацкай. У Навумавічах каля Гродна, дзе ў 1943 г. яна была расстраляна разам з 49 мясцовымі жыхарамі, адбыліся ўрачыстасці з удзелам вернікаў з Гродна і Сапоцкінскага дэканата.

13 ліпеня 2014 г. у Полацку пры грэка-каталіцкім храме св. Параскевы Полацкай адбыліся ўрачыстасці завяршэння ХХ грэка-каталіцкай пілігрымкі Віцебск – Полацк. Акрамя сотні пілігрымаў, якія прайшлі пешшу шлях з Віцебска ў Полацк, у нядзелю на свята прыбылі групы вернікаў з Мінска, Баранавіч, Івацэвіч.

13 ліпеня біскуп Пінскі Антоні Дзям'янка ўзначаліў у капліцы сясцёр бэнэдыктынак у Вільні (Літва) урачыстую Імшу з нагоды 50-годдзя з часу складання законных шлюбаў сястры Раманы з гэтай супольнасці. Сястра Рамана (Генавэфа Стэфановіч) нарадзілася ў 1940 г., была чацвёртай у сям’і з 6 дзяцей, належала да парафіі ў Канвелішках каля Воранава.

13 ліпеня ў Варшаве (Польшча) адкрылася ХХVI Міжнародная Парафіяда дзяцей і моладзі. Мінска-Магілёўскую архідыяцэзію прадстаўляе на ёй каманда вілейскай парафіі Узвышэння Святога Крыжа, якая заняла першае месца на ІV Парафіядзе архідыяцэзіі ў 2013 г. Імшу на адкрыццё Міжнароднай Парафіяды ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.

Завяршылася І роварная пілігрымка навучэнцаў Вышэйшай духоўнай семінарыі ў Гродне да Маці Божай Тракельскай. Семінарысты разам з усімі вернікамі прынялі ўдзел ва ўрачыстасцях, што адбыліся 11-12 ліпеня ў санктуарыі Маці Божай Каралевы сем’яў у Тракелях.