«Заахвочваю ўжо сёння да малітвы за біскупа наміната Аляксандра, каб мог як найлепш падрыхтавацца да прыняцця біскупскага пасвячэння», — піша біскуп Аляксандр Кашкевіч у паведамленні з нагоды прызначэння новага дапаможнага біскупа Мінска-Магілёўскай архідыяцэзіі, якім стаў кс. Аляксандр Яшэўскі SDB.

Мітрапаліт Мінска-Магілёўскі арцыбіскуп Тадэвуш Кандрусевіч прыняў удзел у працэсіі Божага Цела, якая адбылася 7 чэрвеня падчас Усерасійскага Эўхарыстычнага кангрэса ў Навасібірску. Усерасійскі Эўхарыстычны кангрэс “Я есмь хлеб жизни” (Ян 6, 35) праходзіў з 5 па 7 чэрвеня. Беларускі іерарх выступаў на кангрэсе з дакладам.

Мітрапаліт Мінска-Магілёўскі арцыбіскуп Тадэвуш Кандрусевіч прымае ўдзел ва Усерасійскім Эўхарыстычным кангрэсе «Я есмь хлеб жизни» (Ян 6, 35), які праходзіць з 5 па 7 чэрвеня ў Навасібірску. 6 чэрвеня беларускі іерарх выступіў на кангрэсе з дакладам на тэму «Пастырскі аспект Эўхарыстыі».

26 мая на базе Інстытута тэалогіі Беларускага дзяржаўнага ўніверсітэта ў Мінску адбылося ўрачыстае адкрыццё ХХІ Міжнародных Кірыла-Мятодаўскіх чытанняў на тэму «Праваслаўныя каштоўнасці ў сучаснай беларускай культуры», прымеркаваных да 1000-годдзя смерці св. роўнаапостальнага князя Уладзіміра. У адкрыцці чытанняў прыняў удзел Мітрапаліт Мінска-Магілёўскі арцыбіскуп Тадэвуш Кандрусевіч.

21 мая ў Віцебску адкрылася XI Міжнародная канферэнцыя «Праблемы ўрачэбнай этыкі ў сучасным свеце». З прывітальным словам да ўдзельнікаў звярнуўся сярод іншых Апостальскі Нунцый у Беларусі арцыбіскуп Клаўдыё Гуджэроцці.

У маі пад рэдакцыяй дапаможнага біскупа Пінскай дыяцэзіі Казіміра Велікасельца выйшла брашура пад назвай “Усе думаюць адно і тое ж: Бог існуе”. У выданні сабраны выказванні вучоных, пісьменнікаў, філосафаў і нават атэістаў з аргументамі на карысць існавання Бога.

Прывіць вернікам імкненне да пазнання Евангелля — менавіта гэта павінна стаць адным з галоўных прыярытэтаў у штодзённай працы Касцёла ў Беларусі, лічыць дапаможны біскуп Гродзенскай дыяцэзіі Юзаф Станеўскі. Іерарх у якасці назіральніка прыняў удзел у пасяджэнні Канферэнцыі Біскупаў Італіі, якое завяршылася ў Ватыкане 21 мая.

18 мая Міністр замежных спраў Рэспублікі Беларусь Уладзімір Макей сустрэўся з Апостальскім Нунцыем у Беларусі арцыбіскупам Клаўдыё Гуджэроцці.

15 мая Апостальскі Нунцый у Беларусі арцыбіскуп Клаўдыё Гуджэроцці сустрэўся з Патрыяршым Экзархам усяе Беларусі Мітрапалітам Мінскім і Заслаўскім Паўлам. Сустрэча прайшла ў Мінскім епархіяльным упраўленні Беларускай Праваслаўнай Царквы.

Біскуп Віцебскі Алег Буткевіч адзначае 15 гадоў святарства. Сённяшні віцебскі ардынарый прыняў прэзбітэрскае пасвячэнне 13 мая 2000 г.

4 мая ва ўніверсітэце імя кард. Стэфана Вышыньскага ў Варшаве на тэалагічным факультэце с. Анатоля (Рэната) Зеліньска з Кангрэгацыi Сясцёр св. Дамініка абараніла доктарскую працу на тэму «Справа евангелізацыі Касцёла на Усходзе ў навучанні арцыбіскупа Тадэвуша Кандрусевіча».

Біскуп Пінскі Антоні Дзям’янка, старшыня Рады па справах сям’і пры ККББ, прыняў удзел у канферэнцыі прадстаўнікоў епіскапатаў Усходняй і Цэнтральнай Еўропы на тэму сітуацыі сям’і ў Цэнтральнай і Усходняй Еўропе ў сувязі з падрыхтоўкай да восеньскага Сінода Біскупаў, прысвечанага сям’і. Канферэнцыя праходзіла 11-12 мая ў Братыславе (Славакія).

Мітрапаліт Мінска-Магілёўскі арцыбіскуп Тадэвуш Кандрусевіч звяртаецца да святароў архідыяцэзіі з просьбай правесці малітву ў інтэнцыі ўсіх ахвяраў Другой сусветнай вайны ў сувязі з 70-годдзем яе заканчэння.

У спецыяльным паведамленні ў сувязі з 70-й гадавінай заканчэння Другой сусветнай вайны біскуп Гродзенскі Аляксандр Кашкевіч заахвочвае вернікаў да сумеснай малітвы за «ўсіх, якія загінулі і сталіся ахвярамі гэтай трагічнай вайны, якая забрала жыццё шматлікіх жыхароў нашай зямлі».

5 мая святкуе сваё 70-годдзе дапаможны біскуп Пінскай дыяцэзіі Казімір Велікаселец. Зараз біскуп жыве і служыць у Гомелі. Яго пакліканне нарадзілася ў сям’і, можа, з малітваў бабулі, можа, з той ночы, калі бацька вёз яго да Першай Камуніі ў Кобрын за 60 км, можа, з разважанняў і малітваў, якія слухалі віленскія вулачкі, можа, нарадзілася і адраджаецца ў словах удзячных людзей, якім ён працягвае адкрываць Бога, адсланяючы атэістычную фіранку, якую забыліся зняць дагэтуль яшчэ з савецкіх часоў...